హోళగుందలో ఘనంగా ‘స్వచ్ఛ ఆంధ్ర–స్వచ్ఛ వికాస్’
1 min read
పరిశుభ్రతపై ప్రజల్లో అవగాహన కల్పించడమే లక్ష్యం
పరిసరాల పరిశుభ్రతతోనే ఆరోగ్యకరమైన సమాజం సాధ్యం
హోళగుంద న్యూస్ నేడు: హోళగుంద మండల కేంద్రంలో మూడో శనివారం సందర్భంగా ‘స్వచ్ఛ ఆంధ్ర–స్వచ్ఛ వికాస్’ కార్యక్రమాన్ని శనివారం నిర్వహించారు. ఈ కార్యక్రమంలో భాగంగా గ్రామంలోని పలు ప్రాంతాల్లో పరిశుభ్రత పనులు చేపట్టి, ప్రజలకు పారిశుధ్యం, పరిసరాల పరిశుభ్రతపై అవగాహన కల్పించారు.ఈ సందర్భంగా టీడీపీ మండల కన్వీనర్ డాక్టర్ తిప్పయ్య మాట్లాడుతూ ప్రతి ఒక్కరూ పరిశుభ్రతను సామాజిక బాధ్యతగా భావించాలని అన్నారు. ఇల్లు, వీధి, గ్రామ పరిసరాలను పరిశుభ్రంగా ఉంచడం ద్వారా అనేక అనారోగ్య సమస్యలను నివారించవచ్చని తెలిపారు. ప్రభుత్వం చేపడుతున్న స్వచ్ఛత కార్యక్రమాలకు ప్రజలు భాగస్వాములు కావాలని పిలుపునిచ్చారు.ఎంపీడీవో మహమ్మద్ ఉమర్ మాట్లాడుతూ స్వచ్ఛ ఆంధ్ర–స్వచ్ఛ వికాస్ కార్యక్రమం ద్వారా గ్రామాల్లో పారిశుధ్యంపై ప్రజల్లో మరింత అవగాహన పెంచుతున్నామని తెలిపారు. చెత్తను ఎక్కడపడితే అక్కడ వేయకుండా నిర్దేశించిన ప్రాంతాల్లోనే వేయాలని, తడి–పొడి చెత్తను వేరు చేయడం అలవాటుగా మార్చుకోవాలని సూచించారు. ప్రతి కుటుంబం పరిసరాల పరిశుభ్రతకు ప్రాధాన్యత ఇస్తే గ్రామాలు మరింత ఆరోగ్యకరంగా, ఆహ్లాదకరంగా మారుతాయని పేర్కొన్నారు.యూఆర్డీ చక్రవర్తి మాట్లాడుతూ స్వచ్ఛత కార్యక్రమాలు ఒక్కరోజుకే పరిమితం కాకుండా నిరంతరం కొనసాగాలని అన్నారు. పరిశుభ్రమైన గ్రామం కోసం అధికారులు, సిబ్బంది, ప్రజలు సమన్వయంతో పనిచేయాల్సిన అవసరం ఉందని తెలిపారు. పారిశుధ్యంపై ప్రజలకు అవగాహన కల్పించడంతో పాటు, పరిశుభ్రతను ప్రతి ఒక్కరి నిత్య జీవితంలో భాగంగా మార్చుకోవాలని సూచించారు.కార్యక్రమంలో భాగంగా గ్రామంలోని పరిసర ప్రాంతాల్లో శుభ్రత పనులు చేపట్టడంతో పాటు, ప్రజలకు చెత్త నిర్వహణ, వ్యక్తిగత పరిశుభ్రత, పరిసరాల పరిశుభ్రత, పారిశుధ్య ప్రాధాన్యత తదితర అంశాలపై అవగాహన కల్పించారు.ఈ కార్యక్రమంలో ఆశా కార్యకర్తలు, అంగన్వాడీ కార్యకర్తలు, పంచాయతీ సిబ్బంది, సంబంధిత శాఖల సిబ్బంది, తదితరులు పాల్గొని కార్యక్రమాన్ని విజయవంతం చేశారు.
About Author
