వెట్టి విమోచన’ రాష్ట్ర స్థాయి బంధ కార్మిక వ్యతిరేక వేదిక ప్రారంభం
1 min read
విజయవాడ, న్యూస్ నేడు: భారతదేశ 79వ స్వాతంత్ర్య దినోత్సవాన్ని పురస్కరించుకొని, ఆంధ్రప్రదేశ్లో బంధ కార్మిక వ్యవస్థ నిర్మూలన కోసం రాష్ట్రవ్యాప్త నెట్వర్క్ ‘వెట్టి విమోచన’ (బంధనం నుండి విముక్తి) విజయవాడలో ప్రారంభమైంది. 2030 నాటికి బంధ కార్మిక వ్యవస్థను పూర్తిగా నిర్మూలించడం ఈ వేదిక యొక్క లక్ష్యం.బంధ కార్మికత్వం ఆధునిక బానిసత్వం రూపంలో దాగి ఉండి, ముఖ్యంగా షెడ్యూల్డ్ కులాలు, షెడ్యూల్డ్ తెగలు, వలస కూలీలు, మహిళలు, చిన్నారులను తీవ్రంగా దోపిడీ చేస్తూనే ఉంది. నిర్మాణ రంగం, ఇటుక గుంటలు, రొయ్యల పెంపక పరిశ్రమలు వంటి విభాగాల్లో ఈ సమస్య విస్తృతంగా కొనసాగుతోంది. 1976లో అమలులోకి వచ్చిన బంధ కార్మిక వ్యవస్థ (రద్దు) చట్టం ఉన్నప్పటికీ, రాష్ట్రవ్యాప్తంగా ఈ నేరం ఇప్పటికీ కొనసాగుతుంది.బంధాలను ఛేదించి – జీవితాలను నిర్మిద్దాం” అనే థీమ్తో ఆంధ్ర లోయోలా ఆర్ట్స్ & ఇంజినీరింగ్ కళాశాల మరియు ఎస్ జే సంయుక్త ఆధ్వర్యంలో ఈ ప్రారంభోత్సవం జరిగింది. ఈ కార్యక్రమంలో అకాడెమిక్ నాయకులు, బాధితుల సమూహాల ప్రతినిధులు, పౌర సమాజ సంస్థల నేతలు పాల్గొన్నారు. ఈ సందర్భంగా ‘ఓ బానిస గాథ’ అనే అవగాహన గీతం ఆవిష్కరణ, బంధ కార్మిక వ్యతిరేక ప్రతిజ్ఞ, ప్రధాన ప్రసంగాలు, వీధి నాటకం, పాలసీ సంస్కరణలపై చర్చా వేదిక వంటి అంశాలు ప్రధాన ఆకర్షణలుగా నిలిచాయి.కన్వీనర్ శ్రీ సునీల్కుమార్ మాట్లాడుతూ, “బాధితుల నాయకత్వాన్నే కేంద్రీకరించిన ఉద్యమం ఇదే” అని పేర్కొన్నారు. బాధిత నాయకులు “మేము బాధితులమే కాదు – మార్పు తేవగల నాయకులం” అని స్పష్టం చేశారు.మొదటి ఏడాదిలో, వెట్టి విమోచన జిల్లా స్థాయిలో నెట్వర్క్ బలోపేతం, అత్యవసర స్పందన వ్యవస్థలు, అధిక ప్రమాద ప్రాంతాల్లో అవగాహన కార్యక్రమాలు, బాధితుల ఆధ్వర్యంలో పర్యవేక్షణ, మద్దతు అందించే విధానాలపై దృష్టిసారించనుంది.ఆంధ్రప్రదేశ్ ప్రభుత్వం ఇటీవల G.O.Ms. No.14, తేదీ 26 జూన్ 2025 ప్రకారం, కార్మిక, ఫ్యాక్టరీలు, బాయిలర్లు & ఇన్సూరెన్స్ మెడికల్ సర్వీసెస్ శాఖను ఈ చట్టం అమలుకు నోడల్ సంస్థగా నియమించింది. గత రెండేళ్లలో రాష్ట్ర ప్రభుత్వం 193 మందికి పైగా బంధ కార్మికులను రక్షించింది.మానవ గౌరవం, అవకాశాలు, ఆశనుపునరుద్ధరించాలనే లక్ష్యంతో, వెట్టి విమోచన వేదిక సమాజంలోని అన్ని వర్గాలనూ బంధ కార్మిక వ్యవస్థ నిర్మూలనకు ఏకమవ్వాలని పిలుపునిస్తోంది.
About Author
