కర్నూలు జిల్లా అభివృద్ధికి భారీ దిశా నిర్దేశం
1 min read
సాగునీటి ప్రాజెక్టుల వేగవంతం – ఆలూరు సమస్యలపై మంత్రి ముందుకు వైకుంఠ జ్యోతి
జిల్లా సమగ్ర అభివృద్ధి, సాగునీటి సమస్యల పరిష్కారానికి కీలక నిర్ణయాలు
ఆలూరు న్యూస్ నేడు: కర్నూలు జిల్లా స్టేట్ గెస్ట్ హౌస్లో జిల్లా ఇంచార్జ్ మంత్రి మరియు రాష్ట్ర నీటి పారుదల శాఖ మంత్రి నిమ్మల రామానాయుడు అధ్యక్షతన జిల్లా సమగ్ర అభివృద్ధి మరియు సాగునీటి ప్రాజెక్టులపై కీలక సమీక్ష సమావేశం ఘనంగా నిర్వహించబడింది. జిల్లాలో అభివృద్ధి కార్యక్రమాల పురోగతిపై సమగ్రంగా చర్చిస్తూ అధికారులు, ప్రజాప్రతినిధులకు మంత్రి పలు సూచనలు చేశారు.ఈ సమావేశంలో ఆలూరు నియోజకవర్గ టిడిపి ఇంచార్జ్ వైకుంఠ జ్యోతి పాల్గొని, నియోజకవర్గ ప్రజలు ఎదుర్కొంటున్న ప్రధాన సమస్యలను మంత్రి దృష్టికి తీసుకెళ్లారు. ముఖ్యంగా సాగునీటి కొరత, పెండింగ్లో ఉన్న నీటి పారుదల పనులు, కాలువల అభివృద్ధి వంటి అంశాలను ప్రాధాన్యంగా ప్రస్తావించారు.ఆలూరు ప్రాంత రైతులు సాగునీటి కోసం పడుతున్న ఇబ్బందులను వివరిస్తూ, కొనసాగుతున్న ప్రాజెక్టులను త్వరితగతిన పూర్తి చేయాలని, కొత్తగా అవసరమైన పనులను మంజూరు చేయాలని మంత్రి వద్ద కోరారు. నియోజకవర్గంలో అభివృద్ధి వేగం పెరగడానికి ప్రత్యేక చర్యలు తీసుకోవాలని విజ్ఞప్తి చేశారు.మంత్రి నిమ్మల రామానాయుడు స్పందిస్తూ, జిల్లాలో సాగునీటి ప్రాజెక్టులను వేగవంతంగా పూర్తి చేసి రైతులకు సరిపడా నీటి సౌకర్యం కల్పించేందుకు ప్రభుత్వం కట్టుబడి ఉందని స్పష్టం చేశారు. పెండింగ్లో ఉన్న పనులను త్వరితగతిన పూర్తి చేయాలని అధికారులకు ఆదేశాలు జారీ చేశారు. జిల్లా సమగ్ర అభివృద్ధి కోసం ప్రణాళికాబద్ధంగా చర్యలు చేపట్టాలని తెలిపారుఈ సందర్భంగా వైకుంఠ జ్యోతి మాట్లాడుతూ,“ఆలూరు నియోజకవర్గ అభివృద్ధి మా ప్రధాన లక్ష్యం. ప్రజల సమస్యలను ప్రభుత్వం దృష్టికి తీసుకెళ్లి, వాటి పరిష్కారం కోసం నిరంతరం కృషి చేస్తాం” అని తెలిపారు.ముఖ్య అంశాలు:సాగునీటి ప్రాజెక్టుల వేగవంతమైన పూర్తి, పెండింగ్లో ఉన్న నీటి పారుదల పనుల పరిష్కారం, రైతులకు సాగునీటి సౌకర్యాల మెరుగుదల, జిల్లా సమగ్ర అభివృద్ధి ప్రణాళికలు, ఆలూరు నియోజకవర్గానికి ప్రత్యేక ప్రాధాన్యం.
About Author
